In mia carriera professiunala e privata n'haja ramassà differentas experienzas illa perscrutaziun dal clima, ill'analisa da datas, illa direcziun da progets ed illa lavur publica. Quists quatter chomps d'actività cun lur metodas e püts da vista divers as poja cumbinar in soluziuns innovativas per sfidas actualas e futuras. I'l passà n'haja per exaimpel dovrà metodas da la modellisaziun dals oceans per predir il trafic da datas in raits da telcomunicaziun. Implü n'haja declerà sco expert fenomens da clima complex in maniera simpla illa televisiun e n'ha manà gronds progets illa telecomunicaziun ed illa branscha d'energia per pudair elavurar grondas quantitats da datas.

Che per dumondas sun per vo pel mumaint actualas?

Vaivat datas chi vegnan pel mumaint dovradas massa pac?
Stuvaivat analisar fats complex e tils simplifichar o descriver?
Vaivat dabsögn da sintesas da rapports da perscrutaziun?
Vaivat üna buna idea ma ingün chi tilla metta in pratica?

Gugent pudaina discuter che per pussibiltats chi dà.

In mia actività da passa 15 ons sco scienzà da clima am n'haja occupà cun metodas fundamentalas da statistica e numerica da la modellisaziun dal clima. Da l'otra vart n'haja eir fat diveras lavurs sur da l'effet dal clima süls umans e sül ambiaint. Per exaimpel n'haja analisà che per part da la populaziun mundiala chi sainta müdamaints illa disponibilità da l'aua. Tanter oter d'eira l'accumpognamaint da students sco eir la collavuraziun pro'l tschinchavel rapport dal cussegl mundial dal clima da l'ONU parts integralas da mia lavur.

Sül chomp da l'analisa da datas n'haja realisà differents progets illas branschas da telecom e da l'energia. Il punct principal d'eira l'elavuraziun automatica chi imprenda svessa da grondas quantitats da datas. Exaimpels sun üna survaglianza da data chi imprenda svessa, previsiuns da traffic da datas in raits digitalas, imprender e detectar muosters da sbagls e classificaziun automatica dal deport da consüm.

Dürant ils ultims ons n'haja surtut vi e plü funcziuns strategicas ed organisatoricas. Impustüt ils gronds progets dad IT stuvaivan gnir planisats minuziusamaing. La coordinaziun tanter cliaints, diversas secziuns internas e partners externs d'eira üna part integrala per la reuschida dals progets. Implü d'eir'eu responsabel pellas finanzas dad ün IPM cun 10 impiegats.

Dal 2017 suna stat expert da climatologia ill'emischiun '3°+' da la televisiun svizra. Dasper referats publics ed intervistas m'haja partecipà a l'organisaziun da progets parzials da 'Nacht der Forschung' e da 'Scientifica'. Diversas jadas n'haja eir scrit artichels per chalenders annuals.